breid_bordi14

Frábær laxveiðiá í fögru umhverfi og mikil stórlaxavon. Glæsilegasta veiðihús landsins!

Myndbönd

Meðalveiðin í Breiðdalsá sl. 10 ár eru um 840 laxar á 6-8 stangir ásamt því að meðalþyngdin er mjög há. Stórlaxavonin er mikil og laxar um og yfir 10 kg veiðast árlega.

Meðalveiðin í Breiðdalsá sl. 10 ár eru 840 laxar. Stórlaxavonin er mikil og laxar um og yfir 10 kg veiðast árlega. Óvíða veiða menn í fallegri á en Breiðdalsá og hliðarám hennar. Umhverfið er stórbrotið og fjallahringur Breiðdalsins á engan sinn líka. Aðkoma að flestum veiðistöðum er góð enda hefur Veiðifélag Breiðdæla unnið að gerð vegaslóða á hverju ári og má segja að nú sé aðgengi eins gott og frekast má vera. Veiðihúsið Eyjar hefur svo skipað sér í sess með betri veiðihúsum landsins.

Ferðamöguleikar eru með bíl eða með flugi. Ef menn velja flugið þá er hægt að ráða leiðsögumann með bíl á vegjum Strengja. Veiðibílar ehf munu hafa bíl á Egilsstöðum sumarið 2014 og er tilvalið fyrir 3-4 menn að taka saman einn jeppa og þar með eru veiðimenn á leið í Breiðdal komnir í veiðihús eftir rúma tvo tíma frá Reykjavík. Upplýsingar um bílaleiguna er í síma 866 3586 og á netfangi veidibilar@hotmail.com.

Fyrir sumarið 2014 munu Strengir lækka verð veiðileyfa í Breiðdalsá um 20 til 30% ásamt því að fjölda stangardaga verður fækkað. Opnun verður seinkað til 8. júlí og stöngum fækkað á vissum tímabilum. Aðrar breytingar eru að nú mun vera hægt fyrir veiðihópa að kaupa gistingu í Veiðihúsinu Eyjar án fæðis ef þess er óskað eða taka t.d. heimilisfæði á lærra verði. Að öðru leyti verður fæði-og gistigjald óbreytt á milli ára eða kr. 22.800 á mann á dag og þá miðað við fyrsta flokks fæði og þjónustu.

  • Staðsetning: Fjarlægð frá Reykjavík: 615 km. Fjarlægð frá Egilsstöðum: 80 km.
  • Veiðisvæði: Breiðdalsá ofan Eyjanes og að og með Efri-Beljanda, en svæðið færist ofar er liður á sumarið að og með Vonarskarði. Einnig fylgir með Tinnudalsá og Norðurdalsá að Móhyl, en síðar upp að Gilsármótum.
  • Tímabil: 8. júlí – 30. september.
  • Veiðileyfi: Yfirleitt þrír dagar í senn frá hádegi til hádegis, en þó í einstaka hollum tveir dagar.
  • Daglegur veiðitími: Daglegur veiðitími 1. júlí – 31. júlí kl. 7-13 og kl. 16-22 en frá 1. ágúst til 10. september kl. 15-21 eftir hádegi. Eftir það kl. 15-20 daglega eftir hádegi. Brottfarardag síðasta morguninn skal veitt eingöngu til kl. 12:00.
  • Fjöldi stanga: Leyfðar eru 6 – 8 stangir.
  • Verð: Stöng á dag á bilinu 29.800 kr. – 98.800 kr.
  • Veiðireglur: Fluguveiði er eingöngu leyfð í júlí og ágúst, en spónn er einnig leyfður í september og síðan maðkur frá 17. september. Skyllt er að sleppa aftur öllum löxum 70 cm og stærri eða setja í klakkistur. Leyfilegt er að hirða tvo laxa á stöng á dag undir þeim mörkum en öðrum skal sleppt.
  • Vinsælar flugur: Svört Frances, Rauð Frances, Friggi, Black and Blue, Snælda, Sunray Shadow.
  • Veiði síðastliðin ár: 305 laxar.
  • Umsjónarmaður/veiðivörður: Sigurður Staples (Súddi) Sími 660 6894 og 475 6776.

Glæsilegasta veiðihús landsins!

Á bökkum Breiðdalsár í landi Eyja, sem eru neðarlega við ána, er nýlegt veiðihús sem býður upp á eina glæsilegustu gistiaðstöðu á landinu. Þar eru átta tveggja manna herbergi, hvert með sérbaðherbergi, gervihnattasjónvarpi og internettengingu. Þar af bíður glæsisvíta þeirra sem virkilega kunna að vera góðir við sjálfa sig. Í húsinu er gufubað og þaðan er útgengt í heitan pott. Borðstofa og setustofa eru með konunglegum aðbúnaði þar sem glæsilegur arin er áberandi ásamt uppstoppuðum fuglum og fiskum á veggjum. Stór verönd er með grilli og góðri aðstöðu til útiborðhalds. Glæsilegt útsýni er yfir ómótstæðilegan fjallahring Breiðdalsins.

Hundahald er EKKI leyfilegt í húsinu. Síminn þar er 475 6776.
Skyldufæði og gisting á mann á dag kostar kr. 22.800 en hópar geta gist án fæðis eftir nánara samkomulagi.