Frábær laxveiðiá í fögru umhverfi og mikil stórlaxavon. Glæsilegasta veiðihús landsins!

Myndbönd

Meðalveiðin í Breiðdalsá sl. 10 ár eru um 700 laxar á 6-8 stangir ásamt því að meðalþyngdin er mjög há. Stórlaxavonin er mikil og laxar um og yfir 10 kg veiðast árlega.

Meðalveiðin í Breiðdalsá sl. 10 ár eru um 600 laxar. Stórlaxavonin er mikil og laxar um og yfir 10 kg veiðast árlega. Óvíða veiða menn í fallegri á en Breiðdalsá og hliðarám hennar. Umhverfið er stórbrotið og fjallahringur Breiðdalsins á engan sinn líka. Aðkoma að flestum veiðistöðum er góð enda hefur Veiðifélag Breiðdæla unnið að gerð vegaslóða á hverju ári og má segja að nú sé aðgengi eins gott og frekast má vera. Og Veiðihúsið Eyjar hefur skipað sér í sess með bestu veiðihúsum landsins ef ekki það besta!

Ferðamöguleikar eru með bíl í Breiðdalinn eða með flugi til Egilsstaða. Ef menn velja flugið þá er hægt að ráða leiðsögumann með bíl á vegum Strengja eða leigja bíl á Egilsstaðaflugvelli og þaðan eru einungis rúmir 80 km til Breiðdalsár.

Fyrir sumarið 2018 munu Strengir lækka verð í Breiðdalsá sem verða á bilinu 29.800-59.800 fyrir þessar 6-8 stangir sem leyfðar eru í laxveiði þar. Og nú er hægt að kaupa staka daga án fæði eða gistiskyldu yfir allt sumarið sem er nýtt! Einnig er hægt er fyrir veiðihópa sem taka allar stangir að kaupa gistingu í Veiðihúsinu Eyjar án fæðis ef þess er óskað. Að öðru leyti verður fæði-og gistigjald á bilinu 20.000- 24.800 á mann á dag og þá miðað við fyrsta flokks fæði og þjónustu.Tilboð fyrir hópa.

  • Staðsetning: Fjarlægð frá Reykjavík: 615 km. Fjarlægð frá Egilsstöðum: 80 km.
  • Veiðisvæði: Breiðdalsá ofan Eyjanes og að og með Efri-Beljanda, en svæðið færist ofar er líður á sumarið að og með Vonarskarði. Einnig fylgir með Tinnudalsá og Norðurdalsá að Móhyl, en síðar upp að Gilsármótum.
  • Tímabil: 1. júlí – 30. september.
  • Veiðileyfi: Yfirleitt þrír dagar í senn frá hádegi til hádegis, en þó í einstaka hollum tveir dagar og nú einnig stakir dagar yfir veiðitímabilið sé þess óskað.
  • Daglegur veiðitími: Daglegur veiðitími kl. 7-13 og kl. 15-21 eftir hádegi. Brottfarardag síðasta morguninn skal veitt eingöngu til kl. 12:00.
  • Fjöldi stanga: Leyfðar eru 6 – 8 stangir.
  • Verð: Stöng á dag á bilinu 29.800 kr. – 59.800 kr.
  • Veiðireglur: Fluguveiði er eingöngu leyfð í júlí og ágúst, en spónn er einnig leyfður í september og síðan maðkur einnig síðar í september. Skyllt er að sleppa aftur öllum löxum 70 cm og stærri eða setja í klakkistur. Leyfilegt er að hirða tvo laxa á stöng á dag undir þeim mörkum en öðrum skal sleppt.
  • Vinsælar flugur: Svört Frances, Rauð Frances, Friggi, Black and Blue, Snælda, Sunray Shadow.
  • Veiði síðastliðið ár: 106 laxar.
  • Umsjónarmaður/veiðivörður: Sigurður Staples (Súddi) Sími 660 6894 og 475 6776.

Glæsilegasta veiðihús landsins!

Á bökkum Breiðdalsár í landi Eyja, sem eru neðarlega við ána, er nýlegt veiðihús sem býður upp á eina glæsilegustu gistiaðstöðu á landinu. Þar eru átta tveggja manna herbergi, hvert með sérbaðherbergi, gervihnattasjónvarpi og internettengingu. Þar af bíður glæsisvíta þeirra sem virkilega kunna að vera góðir við sjálfa sig. Í húsinu er gufubað og þaðan er útgengt í heitan pott. Borðstofa og setustofa eru með konunglegum aðbúnaði þar sem glæsilegur arin er áberandi ásamt uppstoppuðum fuglum og fiskum á veggjum. Stór verönd er með grilli og góðri aðstöðu til útiborðhalds. Glæsilegt útsýni er yfir ómótstæðilegan fjallahring Breiðdalsins.

Hundahald er EKKI leyfilegt í húsinu. Síminn þar er 475 6776.

Og nú er hægt að kaupa staka daga án fæði eða gistiskyldu é þess óskað! Einnig er hægt er fyrir veiðihópa sem taka allar stangir að kaupa gistingu í Veiðihúsinu Eyjar án fæðis ef þess er óskað. Að öðru leyti verður fæði-og gistigjald á bilinu 20.000- 24.800 á mann á dag og þá miðað við fyrsta flokks fæði og þjónustu.Tilboð fyrir hópa.