Kjörið fyrir smærri hópa sem vilja góða sjóbleikjuveiði og eiga von á urriða, sjóbirtingi og laxi í og með.

Sérstök stemming að veiða sjóbleikju á fallaskiptum að nóttu til!

Skemmtilegt sjóbleikjusvæði og einnig veiðist slæðingur af sjóbirting og nú nýverið einnig lax í auknum mæli. Svæðið sem um ræðir tekur til Fögruhlíðarós og upp að Réttarhyl og einnig má veiða ósa Jöklu sjálfrar sem er örstutt frá. Sumarið 2017 veiddust hátt í 500 fiskar á þessu svæði sem er góð aukning frá fyrri árum! Einnig er frjálst að fara upp á efri svæði Jöklu III og er það innifalið í veiðileyfum í Fögruhlíðarós. Kjörið fyrir smærri hópa sem vilja góða sjóbleikjuveiði og eiga von á urriða, sjóbirtingi og laxi í og með. Töluverð urriðaveiði getur einnig verið ofar í Fögruhlíðará og upp að Réttarhyl. Veiðitími er frá 1. júní og til 30. september.

Veiðitími verður sveigjanlegur innan þess ramma en þó má aðeins veiða tólf stundir enda skipta fallaskipti miklu máli þarna. Margir hafa upplifað ógleymanlegar stundir við Fögruhlíðarós þegar liggjandinn er um hánótt, sem er dagsbjört um hásumarið sem kunnugt er, en það er afar sérstök stemming að veiða sjóbleikju á fallaskiptum að nóttu til.

  • Staðsetning:  Fjarlægð frá Reykjavík: ca. 660 km. Fjarlægð frá Egilsstöðum:  ca. 60 km.
  •  Veiðisvæði:  Fögruhlíðarós og Fögruhlíðará að og með Réttarhyl.
  •  Tímabil:  1. júní – 30. september.
  • Veiðileyfi:  Tveir eða þrír dagar í senn frá hádegi til hádegis eða stakir dagar og jafnvel ½  dagar.
  •  Daglegur veiðitími:  Daglegur veiðitími er sveigjanlegur innan 12 tíma á dag.
  •  Fjöldi stanga:  Leyfðar eru 3 stangir.
  •  Verð:  Stöng á dag er kr.15.000.
  • Veiðireglur:  Fluga, spónn og maðkur eru leyfður. Engin kvóti á silung, en æskilegt er að sleppa stærri bleikjum. En skyllt er að sleppa laxi 70 cm og stærri ef hann veiðist, en leyfilegt að hirða tvo laxa á stöng á dag undir þeim mörkum og veiða og sleppa eftir það.
  • Vinsælar flugur:  Bleik og Blá, Noblerar, Mickey Finn, Black Ghost og fl.
  •  Veiði síðastliðið ár:  2 laxar, 6 laxar og um 250 silungar aðallega sjóbleikja.
  •  Umsjónarmaður/veiðivörður:  Guðmundur Ólason 471 1019 og 660 6893.
  •  

Engin skyldugisting er fyrir þetta svæði en má skoða með gistingu í Veiðihúsinu Hálsakoti í Jökulsárhlíð með eða án fæðis ef laus eru herbergi þar.

Spyrjið um nánari upplýsingar.