Vatnasvæði Strengja eru eins og venja er í skýrslu veiðimálastofnunar ár hvert. Vert er að minn á frábært bleikjusvæði, Staðahólsá og Hvolsá sem voru í níunda sæti yfir flestar bleikjur veiddar á vatnasvæðum landsins með þúsund sléttar árið 2004, allt sjóbleikjur. Einnig veiddist þó nokkuð af laxi eða 80 og 28 urriða slæddust með. Tölfræði sögunar segir okkur að kúrfan er að rísa og styrkir það okkar trú að veiðin verði enn meiri í sumar bæði af laxi og bleikju. Ekki er búist við aukningu í blessuðum urriðanum enda eru 28 stk sögulegt met í það minsta síðustu 20 árin eða svo. Eitthvað er laust af leyfum og frekari upplýsingar um árnar má finna á síðunni.

Einnig er gaman að skoða söguleg gögn yfir Breiðdalsá en 549 urriðar veiddust sumarið 2004 sem er met. 881 bleikja er mikil veiði sögulega séð og 700 laxar er gríðarlegt stökk upp á við. Miklar vonir eru bundnar við stórfiskagöngur í ár og ekki kæmi á óvart ef sá stærsti kæmi á land í Breiðdalnum í sumar. Ein og ein stöng er laus í Breiðdalsá.

Hrútafjarðará var einstök árið 2004 með 631 lax, met ár og allt á flugu. 210 laxa per stöng yfir sumarið gerir Hrútu að einni aflahæstu fluguveiðiá landsins. Uppselt er í Hrútafjarðará.

Um aukning stangveiddra laxa milli árana 2003 og 2004 má þetta segja: Í Breiðdalsá veiddust 202 laxar árið 2003 og er sú tala í hærra lagi yfir sögulega veiði en sumarið 2004 veiddust 700 laxar sem er aukningu um 247% milli ára. Sama má segja um Hrútafjarðará en þar veiddust 164 laxar sumarið 2003 en 631 laxar á 3 stangir sumarið 2004 eða 285% aukning milli ára.