Minnivallalækur gerir það gott

Góð veiði var í Minnivallalæk frá morgni föstudags til hádegis sunnudag er holl númer tvö í vor veiddi í læknum. Var þar hópur að koma í fyrsta sinn. Forsvarsmaður hópsins var Páll Ágúst Ólafsson og gefum honum orðið: “ Flestir fiskana tóku við botninn og vorum við því mikið með sökklínur ( type II ) eða hraðsökkvandi enda á flotlínurnar.  Kúluhausar sem við fengum á voru Rjúpan (svört og brún, mynd af henni á veidi.is.) , hún gaf 4 eða 5 fiska, Killer, og aðrir svartir litlir kúluhausar.  Einnig kom mikið á svartan nobbler, nokkrir á black ghost og collie dog (Afbrigði sem ég kalla kvikindið því hann er í tveimur hlutun, fremri hlutinn er áltúpa, spotti sem er hnýtt í öngul no. 4 .  Svartur marabúi hnýtttur eftir endilöngu bakinu þannig að flugan endi í því að vera svona 15 cm)”.

Samtals fengu þeir 34 fiska, allt að 3.5 kg, meðalþyngd var um 1,5 kg svo þetta hefur verið mikið fjör.