Í dag fór Breiðdalsá yfir 700 laxa með 17 laxa dagsveiði sem þýðir að 710 laxar eru komnir þar á land. Metið er þar með fallið frá því í fyrra sem var 701 lax! Búast má við að veiðin nái 800 löxum eða meira, en veitt er út mánuðinn. Stórlax sleit hjá veiðimanni í Tinnu í dag eftir langa viðureign og var fiskurinn talin vel yfir 10 kg að þyngd. Einnig hefur bleikjuveiðin tekið kipp eftir að hollið sem er að veiða í laxinum fór að stunda bleikjusvæðið líka, t.d. fengust 50 bleikjur í fyrradag og um 42 stk í dag plus 22 urriðar og meira að segja fékkst einn lax þar líka við Grjóttangana!