Holl sem hætti að veiða í dag í Hrútafjarðará var með 32 laxa og mikill lax að ganga í ánna að sögn veiðimanna. Er það í bland smálax og stórlax, stærstu allt að 7-8 kg. Og nokkrir "drekar" hafa sést sem ekki eru undir 10kg að mati veiðimanna, og vonandi veiðist einhver þeirra fljótlega.

Breiðdalsá stefnir í fyrstu tveggja stafa tölu í dagsveiði í dag, vitað er um 9 laxa í dag og ég á eftir að frétta af nokkrum stöngum, svo væntanlega er allt að fara á flug þar einnig fljótlega.