Laxá í Nesjum er tveggja stanga á í fögru umhverfi við Hornafjörð. Einstakt útsýni er í allar áttir og gnæfir Vatnajökull tignarlega yfir svæðinu. Metveiði var í Laxá í Nesjum eins og búist var við vegna stóraukinna seiðasleppinga og gaf áin 204 laxa sumarið 2004 sem er meira en tvöföldun frá fyrra ári. Góðar væntingar eru fyrir árið 2005 í kjölfar seiðasleppinga og síðan er von á stórlöxum eftir öflugar smálaxagöngur í fyrra. Á mörgum stöðum er hægt að sjá lónbúan vel og getur sú sýn ært óstöðugan. Urriðaveiðin er sveiflukend en alltaf þó nokkur. Tvö síðustu ár hafa verið góð þar sem 459 urriðar veiddust árið 2003 og 233 í fyrra. Veiðitíminn er frá 1. júlí - 30. september. Tveir eða þrír dagar eru seldir í senn frá hádegi til hádegi. Stangirnar tvær eru einungis seldar saman og látum við veiðimönnum eftir að skipta milli sín svæðinu. Þannig geta veiðifélagar haft ánna útaf fyrir sig. Boðið verður upp á nýja og enn betri aðstöðu en áður í íbúð í Meðalfelli sem er staðsett miðsvæðis ofan við þjóðveginn skammt frá árbakkanum. Örstutt er niður að Akurneshyl sem er einn af bestu veiðistöðum árinnar. Þrjú rúmgóð herbergi er í íbúðinni og eru rúmin uppábúin. Stutt er í alla þjónustu á Höfn. Við viljum benda veiðimönnum á að nokkrar stangir eru enn lausar í þessa gjöfulu á sem var með yfir 100 laxa veiði per stöng á veiðitímanum í fyrra.