Nú virðast drekarnir loks vera að fara að taka í Minnivallalæk í lok vertíðar, því um helgina kom sá stærsti sem færður hefur verið til bókar í ánni í ár. Var það fiskur sem vóg tæp 6 kg og veiddist á Arnarhólsbreiðu af amerískum veiðimanni sem heitir Ryan Davey. Sá hefur veitt víða en taldi Minnivallalækinn það besta sem hann hafi komist í varðandi urriðaveiði, ekki endilega vegna fjölda fiska heldur vegna óvenju mikillar stærðar fisksins. Fengust sex fiskar á sunnudaginn þrátt fyrir kulda og erfiðar aðstæður, en annar tæp 5 kg veiddist þó líka.Flugan var harla óvenjuleg sem sá stóri tók, einhverskonar risa straumfluga með kúlur fremst, með nafn sem ég kannast ekki við.

Veiðin lýkur á morgun föstudaginn 30 september, lokatölur koma svo næstu daga úr okkar ám, en stefnir í að almennt hafi árið verið gott í flestum ám okkar, hvort sem um var að ræða lax eða silung.