Besti opnunardagur í langan tíma var í Minnivallalæk í dag. Að meðaltali var einungis veitt með tveim stöngum í samtals fjóra tíma að sögn Aðalsteins sem var með opnunina. Fengust 19 fiskar, allir frekar vænir eða frá 2 kg og upp í 5kg! Veitt var með sökklínum og straumflugum, enda mjög kalt og fiskur liggur við botn. Einungis var farið á tvo staði í ánni, Húsabreiðu og Stöðvarhyl.Öllum fiski var sleppt nema tveim er blæddi úr.