Hann var kaldur og vindasamur fyrsti dagurinn á silungasvæði Breiðdalsár, en menn létu það þó ekki aftra sér að sögn Súdda í morgun. Tók dágóðan tíma að finna bleikjuna fyrst, vatn var aðeins litað eftir rigningar en á vissum bletti fundu menn hana loks í nágrenni við þjóðvegsbrúnna og þar náðist strax ágæt veiði, eða um 10 stk. Var hún frekar smá en ein og ein góð stærð upp í 2 pund.

Menn hættu snemma eða um miðjan daginn flestir, enda kalt að standa að veiðum mikið lengur, en þá höfðu 22 bleikjur tekið agn veiðimanna, og töluvert vart á fluguna svo eitthvað er af henni. Lítið var hún að vaka, enda skilyrði ekki beint góð til þess að sýna sig á yfirborðinu.