Nú hefur verið gengið frá nýjum samningi Veiðiþjónustunnar Strengir við Veiðifélag Hrútafjarðarár til ársins 2010. Hefur samstarfið gengið ákaflega vel og hafa allar áætlanir varðandi fiskrækt árinnar og veiði gengið fullkomlega eftir, og er Hrúta nú með eina af hæstu meðalveiði á stöng á landinu ef tekið er mið af laxveiðiám sem eingöngu leyfa fluguveiði.
Stefnt er að auka seiðasleppingar en frekar á vegum Strengja og jafnframt mun Veiðifélagið stækka og endurbæta veiðihúsið svo það verði orðið fyrsta flokks fyrir sumarið 2007. Eftir er að útfæra það nákvæmlega, en fjölga mun svefnherbergjum, baðherbergjum, vöðluherbergi sett upp, stofa stækkuð og stór verönd með heitum potti eru helstu breytingar sem stefnt er að gera.

Ekki verður því komist hjá hækkun veiðileyfa fyrir árið 2007 í framhaldi af þessum samningi, en þeim verður þó stillt í hóf og verða mun lærri en ýmsar aðrar hækkanir sem sést hafa á laxveiðimarkaðnum nýlega.

Hrútafjarðará er uppseld fyrir sumarið 2006, en ennþá eru góð laxveiðileyfi laus í öðrum veiðiám okkar eins og sjá má á vef okkar.