Breiðdalsá er á góði róli og komu 7 laxar á land í gær. Nú hafa veiðst 55 laxar sem er meira en áður hefur verið komið á land á þessum tíma áður í Breiðdalsá. Mest er það stórlax en sá smærri er farin að láta sjá sig síðustu daga.
Vegna forfalla voru að losna nokkrar stangir í ánni, t.d. 20-23 júlí 1 stöng, 25-27 júlí 1 stöng, og 1-4 ágúst voru að losna 2 stangir. Áhugasamir hafi samband sem fyrst og ekki er annað laust fyrr en seint á veiðitímanum.

Laxinn kom óvenju seint í Selá í Álftafirði og Laxá í Nesjum. Það var ekki fyrr en 16. júlí að fyrstu laxar veiddust í báðum þessum ám. Að kvöldi þess dags fékk Óli veiðivörður við Selá einn smálax og annar koma daginn eftir.
Laxarnir virðast vera stærri í Laxá, en fyrsti laxinn þar var 5 kg og hefur verið sett í fleirri væna þar.

Hrútafjarðará var í flóði síðustu helgi en veiðimenn fengu tvo laxa og urðu töluvert varir á sunnudagsmorgun er áin sjatnaði. Ekki hafa fengist nánari fréttir síðan, en skilyrði hafa verið góð þessa vikuna og því ætti veiðin að vera komin í gang þar líka.