Það fengust 24 fiskar í gær opnunardaginn í Minnivallalæk, sem er líklegasta ein sú besta opnun sem þar hefur verið. Allir komu úr Stöðvarhyl og var öllum sleppt aftur. Fóru veiðimenn ekkert annað og mjög mikið af fiski virtist vera þar. Reyndar var eitthvað reynt í Húsabreiðu fyrir framan veiðihúsið án þess að vera varir.  
Engin risi var í aflanum, en heldur engin smáfiskur, fiskar á bilinu 1.5-3 kg að sögn veiðimanna.

Einhverjir fiskar voru komnir á land í morgun líka, en vonandi fara menn að reyna aðra veiðistaði í dag.