Er kíkt var eftir laxi í gær í Hrútafjarðará sáust allavega 3 laxar í Brúarhylnum í Síká. Voru það frekar vænir laxar, sá stærsti áætlaður um 12-14 pund. Á myndinni sést Júlíus Guðmundsson leiðsögumaður horfa í hylinn í gærkvöldi þar sem þeir lágu.
Rólegt hefur verið yfir bleikjunni í Breiðdalsá, en aðeins betra í Fögruhlíðará. Þar lenti um síðustu helgi holl í góðri veiði með hátt í 60 bleikjur af öllum stærðum, frá smælki og upp í 4 pund.
Einn lax sást í gær í Tinnudalsá í Breiðdalsá, en bæði Hrúta og Breiðdalsá opna 1. júlí næstkomandi. Vonandi gengur þá betur en almennt hefur verið við opnun laxveiðiáa til þessa á landinu í ár, enda veiði með rólegra móti víðast þar sem hún er hafin. |
|
