Fyrsta vaktin í morgun byrjaði frábærlega í laxveiðinni í Breiðdalsá. Náðust 7 laxar á land og þrír aðrir sem fóru af, svo samtals var sett í 10 laxa þennan morgun. Allir nema einn veiddust á flugu, aðallegar á Rauðar Frances flugur. Tveir laxar komu úr Einarshyl og einnig úr Neðri-Beljanda, einn úr Möggustein, og úr Tinnu kom lax úr Bryggjuhyl og Stapabreiðu. Voru það bæði stórlaxar og smálaxar sem veiddust og flestum var sleppt aftur í ánna. Allir voru lúsugir. Vel er bókað í ánna í sumar en þó eru einhverjar lausar stangir á víð og dreif yfir sumarið eins og sjá má á vef strengja.

Einnig hófst veiði í Hrútafjarðará og varð vart við laxa neðst í Dumbafljóti en enginn kom þó á land. Sést hafði til laxa ofar í ánni í Bálk fyrir nokkrum dögum, svo einhver lax er komin í ánna.

Veiði hefst fljótlega í Laxá í Nesjum og verða fréttir síðar af því.

Högni Harðarson með fyrsta laxinn í Breiðdalsá við Bryggjuhyl í Tinnu.	Ólafur R. Garðarsson leiðsögumaður með stórlax við Möggusteinn í morgun.