Þrátt fyrir verðbólgu og stóraukinn  kostnað hefur Veiðiþjónustan Strengir tekið þá stefnu að halda óbreyttum verðum á veiðileyfum og þjónustu fyrir árið 2009 líkt og var sumarið 2008. Í ljósi aðstæðna í þjóðfélaginu bíður markaðurinn ekki upp á neinar hækkanir enda hafa Strengir ætíð verið hófsamir í verðhækkunum miðað við aðra veiðileyfasala. Aðeins örfáir dagar á okkar svæðum hafa farið til banka og annarra stórfyrirtækja undanfarinn ár, þannig að kaupendahópurinn hefur lítið breyst á milli ára, og Strengir hafa ekki tekið þátt í að sprengja upp verð á veiðileyfum í baráttu um bestu árnar.
Meiri áheyrsla hefur verið lögð í að bæta aðstöðuna sem leitt hafa til hækkunar enda eru veiðihús strengja í sérklassa miðað við flest önnur veiðihús landsins. T.d. var sl. sumar  í öllum veiðihúsum okkar innifalinn uppábúinn rúm og handklæði og var hófleg hækkun því samfara.  Verður það óbreytt fyrirkomulag fyrir 2009.

Verð veiðileyfa fyrir sumarið 2009 verður eftirfarandi:

• Breiðdalsá verður á bilinu kr. 25.800 - kr. 98.800 stangardagurinn og fæði og gisting áfram kr. 19.800 á mann á dag miðað við hæsta klassa.
• Silungasvæði Breiðdalsár kostar kr. 7.000 og skyldugisting í maí og júní á kr. 7.800 nóttin. Engin skyldugisting í júlí og til loka september.
• Hrútafjarðará verður á bilinu kr. 27.000 – kr. 110.000 stangardagurinn með veiðihúsi.
• Jökla I og Fögruhlíðará verður á bilinu kr. 14.800 – kr. 36.800 stangardagurinn með veiðihúsi.
• Jökla II verður kr. 3.000 stöng á dag.
• Laxá í Nesjum verður á bilinu kr. 22.800 – kr. 29.800 stangardagurinn með veiðihúsi.
• Minnivallalækur fast verð allt veiðitímabilið verður kr. 14.800 stangardagurinn með veiðihúsi.

Sala veiðileyfa er hafin og er gömlum viðskiptavinum  veittur forgangur að stöngum sínum og hollum líkt og verið hefur. En ljóst er að einhverjar hræringar verða ávallt og nýir áhugasamir kaupendur geta verið vissir um að óskum þeirra verði komið á móts við eins og hægt er.