Veiðin í Laxá í Nesjum hefur verið misgjöful milli ára. Á síðustu sex árum hefur áin gefið frá 88 til 204 laxa á tvær stangir. Síðasta ár var það næst besta þegar 182 laxar veiddust. Meðalveiði síðustu sex ára eru 135 laxar. Verð veiðileyfa er stillt í hóf eða á bilinu 9.900 kr. til 28.900 kr. stangardagurinn og innifalið uppábúinn gisting í veiðihúsi. Nokkur holl eru laus í lok júlí, einnig á bilinu 4-12 ágúst og þrjú holl eru ennþá laus í september 2008.

Veiðimenn sjá um sig sjálfir í fínu húsi í Nesjahverfi. Um 4 km eru til Hafnar í Hornafirði þar sem fjölbreytt þjónusta er í boði.