Fyrstu tvo dagana í maí veiddist ágætlega af bleikju í Breiðdalsá eins og sjá má á myndum hér. En síðan var reynt aftur núna um helgina og var þá rólegt, einnig var þá smástreymt sem getur haft áhrif en það sýnir hvað sjóbleikjan getur  verið óútreiknanleg og aldrei á vísan að róa.

Minnivallalækur hefur verið minna stundaður í vor en oft áður og veiði verið oftast mjög góð þegar reynt hefur verið, en í sólinni um helgina síðustu var þó lítið um tökur. En veiðimönnum ber öllum saman um að mikið af urriða er í læknum og alveg sérstaklega mikið af gríðarstórum „ísaldarurriðum“ og hafa allavega 4 fiskar veiðst sem eru á bilinu 10-15 punda að talið er! Mynd af einum slíkum fylgir með hér.

Staða lausra leyfa hefur veið nýuppfærð á vefnum. Næstu tvær vikur er mikið laust í Minnivallalæk og hægt að bóka með stuttum fyrirvara og eru þá síðustu forvöð að komast þá í lækinn, því eftir það  eru flestir dagar allt til
ágústmánaðar bókaðir.

Silungasvæðið í Breiðdal er mikið laust þar til eftir 20. maí er þéttast fer í bókun. Þó er reytingur laus til byrjun júní en fullbókað næstu vikur á eftir. Þó er helgin  18-20 júní enn laus! Í júlí og síðar er töluvert laust þó bleikjuveiðin sé ekkert síðri þá, ásamt því að töluverð laxveiðivon er þá einnig á svæðinu.
Ágætlega er bókað í laxinn í Breiðdalsá, en þó eru nokkrar mjög svo  áhugaverðar stangir lausar í tveim hollum á frábærum tíma eða 23-26 júlí og 26-29 júlí. Flottur tími, bæði nýr stórlax og smálax og einn skemmtilegasti tíminn í ánni.