Hrútafjarðará
Ein gjöfulasta fluguveiðiá landsins

Hrútafjarðará ásamt Síká átti enn eitt frábært veiðisumarið, glæsileg metveiði skilaði sér, en áin gaf 642 laxa á stangirnar þrjár og það þrátt fyrir nokkra þurrka og ill skilyrði. Eitthvað var um stórlaxa, þar af tveir sem losuðu 10 kg, en það voru gríðarlega öflugar smálaxagöngur sem báru uppi metveiðina og var lax gekk einnig allt til loka veiðitímans. Sjóbleikjuveiðin var með dauflegra móti en 64 bleikjur voru færðar til bókar, en nokkrar mjög  vænar.

Júlíus leiðsögumaður með einn góðan úr Hamarshyl sem gaf 132 laxa sumarið 2009!

Veiðihús: Er í landi Bálkastaða neðarlega við ána að austanverðu, á milli Síkár og gamla Staðarskála. Fjögur tveggja manna herbergi eru í húsinu sem eru með uppbúnum rúmum og handklæðum við komu veiðimanna er mega koma um og eftir kl. 14 á komudegi. Því geta átta manns gist í húsinu. Tvö baðherbergi með sturtu, sérstakt vöðlu- og þurrkherbergi og fiskmóttaka eru í húsinu. Gott eldhús og stofa með stórum arni setur mikinn svip á allt húsið. Ný stór verönd með grilli og heitur pottur eru þar einnig. Veiðimönnum ber að þrífa húsið fyrir brottför.

Sjá kort 1, 2, 3 og 4 af veiðisvæðinu.

Sjá gamalt kort af veiðisvæði eftir Major General R.N Stewart

Sjá heildarveiði á veiðistöðum 1997-2009

Einn af fjölmörgum löxum sumarsins að koma á land úr Staðartunguhyl, þar var aldeilis mokveiði 2009 og veiddust þar um 150 laxar!