Veiðihús: Er í landi Bálkastaða neðarlega í ánni að austanverðu, á milli Síkár og gamla Staðarskála. Fjögur tveggja manna herbergi eru í húsinu sem eru uppábúinn og með handklæðum við komu veiðimanna sem mega koma um og eftir kl. 14 á komudegi. Því geta átta manns gist í húsinu. Tvö baðherbergi með sturtu, sérstakt vöðlu-og þurrkherbergi og fiskmóttaka eru í húsinu. Gott eldhús og stofa með stórum arinn setur mikinn svip á allt húsið. Ný stór verönd með grilli og heitur pottur er þar einnig. Veiðimönnum ber að þrífa húsið fyrir brottför.