Strengir

Hrikalegar aðstæður eru þarna til löndunar í Steinboganum. En myndbandið er tekið ofan af klettunum þarna vinstra megin og eins gott að agnhaldið var tekið af flugunni og laxarnir fóru fljótlega af eins og sjá má hér.

Nú má sjá vefnum pressan.is og Vötn og veiði myndband af fjölmörgum yfirborðstökum við Steinbogann í Jöklu um miðjan júlí. Við grípum hér niður í viðtal við veiðimanninn á VoV:

„Ómar Ómarsson, stangaveiðimaður og lesandi VoV sendi okkur glaðning af betri sortinni nú í vikunni. Um er að ræða myndskeið frá Steinboganum í Jöklu. Hvílíkt ævintýri hér á ferð.....Ómar hefur orðið: „Við félagarnir lentum í sérstökum aðstæðum í Steinboganum í Jöklu s.l. sumar þar sem laxinn var óvenju tökuglaður. Báturinn var ekki kominn á sinn stað þannig að við gátum ekki komist á efsta svæðið, þannig að þegar við komum auga á laxinn af klettunum tókum við agnhaldið af Kolskegg þar sem ómögulegt var að landa og köstum á torfuna með meðfylgjandi árangri. Við sjáum eftir því dag að hafa ekki myndað lengur því við misstum af nokkrum skemmtilegum atvikum þar sem laxarnir hreinsuðu sig alveg á eftir flugunni. Góður dagur og munum við eflaust mæta næsta sumar í Jöklu.“

Og nokkuð nákvæm staða lausra leyfa hefur líka verið sett á vefinn eins og sjá má á www.strengir.is. En það er líka mikil hreyfing á leyfum og staðan er því fljót að breytast þessa dagana. Mun ég uppfæra ört á næstunni og því um að gera að fylgjast með lausum leyfum ef þið hafið hug á að bóka og hafið því samband við mig sem fyrst.

Hlakka til að heyra í ykkur...