Veiðihúsið Lækjamót við MinnivallalækVeiðihúsið Lækjamót er skemmtilega staðsett á bökkum Minnivallalækjar í Landsveit í aðeins um 90 mín akstursfjarlægð frá Reykjavík. Í húsinu eru fjögur tveggja manna herbergi ásamt tveimur baðherbergjum með sturtu, borðstofu, setustofu, eldhúsi og heitum pott á verönd bakvið hús. Húsið er mjög vel staðsett og ýmis afþreying í boði í nágrenninu sem aðeins er háð veðri og vindum.
Vegna staðsetningar hússins svo nálægt Reykjavík hefur helgarleiga verið gríðarlega vinsæl undanfarin ár og hefst leigan á húsinu þann 1. október og stendur út mars á hverju ári. Þetta er tilvalin lausn fyrir stóra fjölskyldu eða jafnvel tvær fjölskyldur að skella sér í bústað um vetur og slappa af í notalegu umhverfi.
Leitið upplýsinga á skrifstofu okkar með tölvupósti til ellidason(hjá)strengir.is eða í síma 567 5204.