Strengir

Flottur lax opnunardaginn 1. júlí 2011 í Efri-Beljanda

Frábær laxveiðiá í fögru umhverfi og mikil stórlaxavon. Glæsilegasta veiðihús landsins!

Þrátt fyrir að fjölda laxa færi langt niður fyrir meðalveiði árið 2012 eins og víða annarsstaðar voru veiðimenn yfirleitt ánægðir í Breiðdalsá, því stærðin bætti upp það sem vantaði á fjöldann.  Áin endaði í 464 löxum og meðalþyngdin var tæp 5 kg!  Lax var kominn snemma og opnunardaguirnn 1. júlí  gaf 9 laxa. En vatnið var hríðfallandi eftir það og hinar stóru göngur komu síðan aldrei en þó alltaf nýr lax ganga á hverjum degi út tímabilið og veiddist alltaf eitthvað nánast alla daga þrátt fyrir minnsta vatn í manna minnum stóran hluta veiðitímabilsins. En óvíða veiða menn í fallegri á en Breiðdalsá og fjallahringur Breiðdalsins á engan sinn líka á landinu að sögn margra gesta sem koma til veiða. Og engin spurning er um að óvíða gista menn síðan í glæsilegra veiðihúsi en sumarhöllinni okkar að Eyjum.

NÝTT! Það þykir mörgum langt að aka alla leið austur til okkar í Breiðdal frá Reykjavík. En nú er hægt að taka veiðijeppa á leigu á Egilsstaðaflugvelli á hóflegu verði og stytta þar með ferðatímann umtalsvert og spara líka ferðakostnað! Veiðibílar ehf munu hafa nokkra bíla á Egilsstöðum sumarið 2013 og er tilvalið fyrir 3-4 menn að taka saman einn jeppa og þar með eru veiðimenn á leið í Breiðdal komnir í veiðihús eftir rúma tvo tíma frá Reykjavík. Upplýsingar um bílaleiguna er í síma 866 3586 og á netfangi Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Miðað við það snjómagn sem komið er í fjöllin í Breiðdal ætti lítið vatn ekki að vera til vandræða ásamt því að sleppingar heppnuðust vel og ættu væntingar því að vera fyrir góðri uppsveiflu í laxveiðinni sumarið 2013 í Breiðdalsá.