Hrútafjarðará hefur ekki farið varhluta af þurrkunum og með eindæmum lítið vatn og veiðin verið eftir því undanfarið. En samkvæmt veðurspám á að rigna er líður á vikuna og þá getur veiðin verið fljót að breytast. Það vill svo til að helgin næsta 10. -12. ágúst er laus í tveggja daga holli, og einnig er annað holl 19. -21. ágúst laust. Að öðru leyti er áin fullbókuð í sumar.
Rigning í kortunum og laust í Hrútu
19 laxa dagur á Jöklusvæðinu
Það hefur verið góður gangur á Jöklusvæðinu og t.d. þann 4. ágúst veiddust 19 laxar á svæðinu. Var dreifinginn víða í Jöklu sjálfri, þar af 9 laxar ofan Steinboga, en einnig veiddist í hliðaránum Kaldá og Laxá líka.
Laxinn kominn strax upp í Jökuldalinn!
Síðdegis 1.ágúst var laxastiginn við Steinbogann í Jöklu opnaður og þóttu menn fljótlega verða var við fiskför upp stigann stuttu síðar. Í morgun voru síðan erlendir veiðimenn úr Breiðdal komnir á svæðið fyrir ofan enda hefur veiði verið róleg í Breiðdalsá vegna eindæmis vatnsleysis og þeim gefin kostur á að reyna þennan nýja möguleika.
Kom kippur í gær
Það komu 14 laxar á land í dag á Jöklusvæðinu og 9 laxar í Breiðdal sem gerir þetta besta daginn á hvoru svæði í sumar. Var smálax að koma í bland við stórlax, en sá smærri hefur vantað mikið hingað til. En þeir stóru eru vænir og meðalþyngdin í Breiðdal er tæp 5 kg, og sést þar einnig meira af risum kringum meterinn en oft áður.
Skemmtilegt myndband úr Jöklu!
Nýlega var Borgar Antonsson leiðsögumaður að veiða í Jöklu við Steinbogann og myndaði viðureign við lax sem tók aftast á brotinu þar.
Fleiri greinar...
Síða 4 af 18
Eins og víða voru laxveiðitölur í lærri kantinum hjá okkur einnig 2012, og ekki hjálpaði til einstaklega erfið skilyrði í júlí og ágúst. Aðstæður skánuðu í september er loks kom úrkoma, og lax var að ganga til lokadags 30. september í bæði Breiðdalsá og á Jöklusvæðinu.Og meðalþyngdin var góð, sérstaklega í Breiðdalsá eða tæp 5 kg þar og mikið um lax 80 cm og stærri.