Strengir

Það lítur vel út með byrjun laxveiðinnar í ár og laxar að sjást víða. Því bíðum við spenntir eftir opnunum í okkar ám sem verður ekki fyrr en 1. júlí. Við eigum laust á Jöklusvæðinu í fyrstu viku júlí eða rúmlega það til 11. júlí. Það hefur verið komin lax alltaf þá en ekki mikið stundað hingað til svo snemma og hægt að komast þarna í laxveiði á góðu verði.

Besta byrjun sem við munum eftir hefur veriði í sjóbleikjunni í Fögruhlíðarós núna fyrstu dagana í júní. Um 30-40 bleikjur hafa veiðst og mikið líf eins og sjá má á frá Guðmundi Magna Bjarnasyni (Mummi) sem sendi mér línu:

Veiðin hefur verið ágæt eftir að fór að hlýna í Minnivallalæk, en það sem vekur eftirtekt er hvað allur fiskur er stór sem kemur á land. Varla urriði undir 1,5 kg og margir 4+ og allt að rúm 8 kg!  T.d. kom einn um helgina 5,5 kg og meðalþyngdin er væntanlega eins og í laxveiðiá! Nú er mikið bókað framundan, eitthvað er aðeins laust í næstu viku en annars ekkert fyrr en helgina 20. - 22. júlí, og svo frá 5. ágúst byrjar að losna aftur um daga.

Fyrir stuttu fengust fyrstu sjóbleikjurnar á silungasvæði Breiðdalsár svo hún er allavega mætt, en lítið hefur verið reynt að veiða vegna kulda ennþá á svæðinu. Hann Heimir Karlsson gamalreyndur leiðsögumaður við ánna lét sig hafa það og náði þrem bleikjum 54 cm, 50cm og svo eina minni. Varð hann var við fleirri fiska sem náðu ekki að taka almennilega. En allavega góðar fréttir að bleikjan er mætt á svæðið.