Strengir

Það styttist í rjupnaveiðina sem hefst næsta föstudag 28. október. Það er fullbókað á rjúpnasvæðum og í veiðihúsinu í Breiðdal alla 9 dagana sem leyft er að veiða, en vegan forfalla er eitthvað laust á Jöklusvæðum og í gistingu í veiðihúsinu þar og kostar dagurinn með gistingu kr. 20.000 á byssu og 6-8 byssur leyfðar. Er þar veitt á þrem jörðum, Sleðbrjót rétt við Veiðihúsið Hálsakot, Skriðufell neðar í Jökulsárhlíðinni ásamt Hrólfsstöðum upp í Jökuldal.

Þá eru lokatölur úr Breiðdalsá, Jöklusvæðinu og og Hrútu komnar í hús og þær eru:

Breiðdalsá: Það var brokkgeng síðasta vikan og rúmlega það í Breiðdalsá vegna mikilla flóða sem komu reglulega vegna rigninga og náði áin aldrei að detta í eðlilega vatnshæð svo um hægðist verulega í laxveiðinni. Lokatalan var 1.430 laxar eins og sjá má á rafrænu veiðibókinni á vef okkar,...

Breiðdalsá er komin í um 1350 laxa sem er vel yfir fyrra met sem er 1178 laxar frá því í fyrra og ekkert lát á veiðinni þar. Til dæmis veiddust 30 laxar í gær í Breiðdalsá og hann er ennþá að ganga, líkt og einnig á Jöklusvæðinu sem er komið í 525 laxa með Fögruhlíðará. Þar komu 12 laxar á land í gær þrátt fyrir yfirfall enda er veiðin nú að mestu í hliðarám sem renna í Jöklu ásamt Föruhlíðará sem rennur beint til sjávar og er ekki tengd heldur jökulvatninu.

Veiðin eykst bara í Breiðdalsá þrátt fyrir erfiðar aðstæður, flóð, rok og núna kulda og síðustu tveir dagar hafa gefið tæplega 50 laxa á dag! Og mikið er það nýr smálax sem er að hellast inn í bland við stórlax og er ekkert lát á göngum. Um 1.130 laxar eru komnir á land og stutt í nýtt met frá því í fyrra sem var 1.178 svo reikna má með því  að á bilinu 1.500-1.800 laxar verði lokatalan ef ekkert óvænt kemur upp á næstu þrjár vikur til mánaðamóta er veiði lýkur.