Myndbönd

Spennandi og fjölbreytt veiðisvæði og flott veiðihús

Gjöfult laxveiðisvæði í Jöklu ásamt hliðaránum Fögruhlíðará, Kaldá og Laxá!.

Þetta Jöklusvæði gaf 487 laxa sumarið 2018 og hefði verið mun meira ef Jökla sjálf hafi ekki farið á yfirfall óvenju snemma í ágúst, en að meðaltali gerist það í byrjun september. En veiði hélt áfram í hliðaránum og rúmlega fjórðungur veiðinnar er þaðan sumarið 2018. Fyrir sumarið 2019 verður þetta svæði óbreytt upp að veiðimörkum ofan Húsárbreiðu. En veiði mun hefjast fyrr eða þann 27. júní í ljósi reynslunnar enda hafa laxar verið komnir löngu fyrir 1. júlí undanfarinn ár. Hægt er að kaupa staka daga seint á veiðitímabilinu án skyldugistingar og fæðis og líka verður aukinn sveigjanleiki með fæðiskyldu í Veiðihúsinu Hálsakoti ef hópar óska þess.

Jökla I og Fögruhlíðará er 6 – 8 stanga svæði frá og með 27. júní til 30. september, aðallega sem laxveiðisvæði þó að silungur veiðist áfram út allt sumarið en um 200 silungar veiddust þarna líka sumarið 2018 sem meðafli. Að mestu sjóbleikja og þær voru allt að 65 cm þær stærstu og þá úr Kaldá! Sumarið 2019 er óskað eftir því að sjóbleikja stærri en 45 cm sé sleppt aftur í Kaldá til að varðveita stofn árinnar. Annars hefur svæðið alla Fögruhlíðará ofan Réttarhyls ásamt Jöklu til Húsármóta og niður til ósa en til svæðisins teljast í leiðinni einnig Kaldá, Laxá og Fossá sem renna í Jöklu úr norðri . Þetta er gríðarlega mikið og fjölbreytt svæði þar sem veitt er í miklu vatni í Jöklu og allt niður í litlar og nettar ár eins og Laxá sem er mjög skemmtileg fyrir litlar einhendur ásamt Fögruhlíðará. Samtals er svæðið um 40 km langt og því verður afar rúmt um veiðimenn og miklir möguleikar á því að kanna ótroðnar slóðir. Þó er góð aðkoma að mörgum veiðistöðum og ekki þörf á að ganga langar vegalengdir víðast hvar. Eingöngu er leyfð fluguveiði í júlí og til síðla ágústs enda hentar svæðið ákaflega vel til þess. Eftir það má veiða á maðk og spón. Skyllt er að sleppa öllum löxum 70 cm og stærri og og hirða má einn lax á dag á stöng undir þeim mörkum og sleppa öðrum. Að auki er æskilegt að sleppa öllum löxum sem veiðast ofar Hólaflúðar í Jökuldal, enda eru vannýtt uppeldissvæði að finna þar fyrir ofan sem æskilegt er að leyfa laxinum að hrygna sem mest.
Það þykir mörgum langt að aka alla leið austur í Jöklu frá Reykjavík. En einfalt er að fjúga til Egilsstaða og leigja bíl á Egilsstaðaflugvelli og stytta þar með ferðatímann gríðarlega. Spara líka ferðakostnað ef 3-4 veiðimenn taka sig saman um einn jeppa og þar með eru veiðimenn á leið á Jöklusvæðin komnir í veiðihús eftir aðeins einn og hálfan tíma frá Reykjavík!
Horfurnar eru mjög góðar fyrir 2019 þar sem mikið af smálaxi gekk í sumar sem gefur góða von um gott stórlaxár 2019.Mikið seiðum er einnig talið hafa gengið til sjávar vorið 2018 sem gefur vonir um miklar smálaxagöngur og sleppingar seiða voru í hefðbundnum farvegi ásamt því að náttúrulegi stofn árinnar er í mikilli sókn.

  • Staðsetning:  Fjarlægð frá Reykjavík: ca. 660 km. Frá Egilstöðum: Samtals um 50 km. Ekið er um þjóðveg 1 sem leið liggur vestur til Akureyrar. Þegar komið er yfir brúna yfir Jöklu er beygt til hægri inn á þjóðveg 917. Rétt áður en farið er yfir brúna á Kaldá er beygt til vinstri við afleggjara merktur Másselog blasir þar glæsilegt veiðihús okkar við. Frá Akureyri: Ekið er um þjóðveg 1 í átt til Egilsstaða. Vestan megin við brúna yfir Jöklu rétt áður en komið er að henni er beygt til vinstri inn á þjóðveg 917. Og rétt áður en farið er yfir brúna á Kaldá er beygt til vinstri við afleggjara merktan Mássel og blasir þar glæsilegt veiðihús okkar við.
  •  Veiðisvæði:  Jökla frá með ósi að og með Húsármótum ásamt Laxá, Kaldá, Fossá og einnig Fögruhlíðará ofan Réttarhyls.
  •  Tímabil:  27. júní – 30. september.
  • Veiðileyfi:  Tveir eða þrír dagar í senn frá hádegi til hádegis og stakir dagar einnig frá morgni til kvölds.
  •  Daglegur veiðitími:  Daglegur veiðitími kl. 7 – 13 og kl. 15 – 21 eftir hádegi. Brottfarardag síðasta morguninn skal veitt til kl. 12:00.
  •  Fjöldi stanga:  Leyfðar eru 6-8 stangir.
  •  Verð:  Stöng á dag á bilinu kr. 32.800 – 89.800
  • Veiðireglur:  Fluga eingöngu leyfð í júlí og til síðla ágúst en maðkur og spónn er einnig leyfður eftir það og í september. Er skyllt að sleppa öllum löxum 70 cm og stærri. Leyfilegt er að hirða einn lax á stöng á dag undir þeim mörkum og veiða og sleppa eftir það. Æskilegt er að í Hólaflúð og ofar í Jöklu verði öllum laxi sleppt enda eru góð uppeldissvæði þar sem eru vannýtt og vantar því lax þar til hrygningar.
  • Vinsælar flugur:  Snælda, Rauð Frances, Svört Frances, Friggi, Sunray Shadow, Hitch tupes and Black and Blue.
  •  Veiði síðastliðin ár:  487 laxar og 204 silungar.
  •  Umsjónarmaður/veiðivörður:  Guðmundur Ólason 471 – 1019 og 660 – 6893.
  •  

Á bökkum Kaldár stendur nýlegt og stórglæsilegt veiðihús til afnota fyrir veiðimenn á Jöklusvæðinu. Það var byggt árið 2007 og býður upp á frábæra aðstöðu og er samtengt á verönd við fjögur smærri hús með átta tveggja manna herbergjum, hvert með sér baðherbergi og sturtu. Meginhúsið hefur upphitaða vöðlugeymslu, aðgerðarherbergi með frystikistu, frábærri setu- og borðstofu með arin, eldhúsi með öllum nauðsynlegum tækjum og skemmtilegri verönd að flatmaga á í hléinu og góðviðrisdögum. Rétt áður en komið er að brúnni yfir Kaldá er beygt til vinstri við afleggjara merktur Mássel (ef komið er að sunnan) og þá blasir veiðihúsið við.

Umsjónarmaður er Guðmundur Ólason í síma 471 – 1019 og 660 – 6893

Hægt er að velja fullt fæði sem kostar kr. 25.000 á mann á dag og miðað þá við fyrsta flokks fæði og þjónustu. Ekki er núna skyldugisting snemma og seint á veiðitímanum og holl geta einnig yfir sumarið tekið eingöngu gistingu ef þess er og verð er þá eftir nánari samkomulagi.

Veiðileyfi

Laus veiðileyfi Panta veiðileyfi

Veiðikort

Veiðkort er komið út og spyrjið um nánari upplýsingar.

Úr myndasafninu

[nggallery id=5]